Friday, May 22, 2009

J'ay perdu ma tourterelle

J'ay perdu ma tourterelle :
Est-ce point celle que j'oy ?
Je veux aller après elle.

Tu regrètes ta femelle,
Hélas ! aussi fay je moy :
J'ay perdu ma tourterelle.

Si ton amour est fidelle,
Aussi est ferme ma foy,
Je veux aller après elle.

Ta plaincte se renouvelle ;
Tousjours plaindre je me doy :
J'ay perdu ma tourterelle.

En ne voyant plus la belle,
Plus rien de beau je ne voy ;
Je veux aller après elle.

Mort que tant de fois j'appelle,
Pren ce qui se donne à toy :
J'ay perdu ma tourterelle,
Je veux aller après elle.

(C)Jean Passerat (1534-1602)

0 comments:

Recent Visitors

Wowzio Live Feed

Popular Pages Today

Top Commenters

Widget by Blogger Buster

Followers

The Villanelle Cloud